Rituals & Seasons
Badana Seviyan
Razai garam thi. Parbhat pheri door thi. Badana seviyan bas thodi der door.
Subah abhi properly hui bhi nahi hoti thi.
Bas awaaz aa jaati thi.
Door se.
"Waheguru... Waheguru..."
Parbhat pheri nikal chuki hoti thi.
Thand wali subah.
Jahan razai ke bahar ka hawa ka idea hi enough hota tha wapas andar ghusne ke liye.
Pehle ignore karte the.
Sochte the nikal jaayegi.
Do gali door hai abhi.
Phir awaaz thodi paas.
"Razai garam thi. Parbhat pheri door thi. Badana seviyan bas thodi der door."
Phir aur paas.
Aur saath mein ek aur thought.
Badana seviyan milegi.
Razai garam thi.
Aankh aadhi band.
Sweater jaldi mein.
Chappal properly nahi pehni.
Bahar ki thand seedha muh pe.
Bhajan chal raha hota.
Koi properly gaa raha hota.
Koi bas chal raha hota.
Hum seedha end tak wait karte.
Steel ke patile mein seviyan.
Upar badane.
Orange wale.
Thode chipchipe.
Thode hard.
Patte ke doone mein milti thi.
Kabhi garam.
Kabhi thodi thandi bhi.
Koi farak nahi.
Pehla bite hamesha jaldi.
Phir muh jalta.
Badane pehle khatam karte.
Hamesha.
Seviyan baad mein.
Wapas ghar aate tak thand kam lagti thi.
Aur agli subah...
phir wahi plan hota.
Aaj nahi jaayenge.
Phir awaaz aa jaati.
